Ikastetxeetan eta kirol klubetan, pilota eskolak, edota pilota atalak, sortzea, nahi duen orok erremontean jokatzen hasteko aukera izan dezan. Ondoren, arestian aipatutako eskoletan behar bezalako maila eskuratu duten jokalariak goi-errendimenduko eskolan sartzea; azken eskola hori Euskal Jai Berri-Nafarroako Erresuma pilotalekuan dago. Jokalari horiek afizionatuetan arituko dira hala probintzietako nola nazio mailako txapelketetan.
Nafarroako Pilota Federazioak antolatutako txapelketa ofizialetan eta tokian tokiko klubek antolatutako lehiaketetan laguntza ematea, eskoletan izana emanik dauden gazteak aritu daitezen (gure Komunitateko pilota kluben bitartez federatutakoak).
Euskal Jai Berri Fundazioa sortua da erremontea Nafarroako kultur ondare gisa zaintzeko: horretarako, gizartean sustatu eta afizionatuetan bultzatuko du, betiere Euskal Jai Berri-Nafarroako Erresuma pilotalekua ardatz hartuta.
Irakasleak eta epaileak prestatzea. Pilotalekuak moldatzea, erremontean aritzeko.
Erakunde publiko (udalak), kirol klub, elkarte eta abarrekiko lankidetza hitzarmenak sustatu eta haietan esku hartzea, erremontea bultzatzeko. Enpresa pribatuen lankidetza erdiestea, haien diru-babesa lortzeko, betiere irabazi asmorik gabeko Fundazio bat babesteak dakartzan zerga-abantailetan oinarrituta; Nafarroako Gobernuak, gainera, gizarte interesekotzat jo du gure Fundazioaren jarduera. Azkenik, beste kirol batzuetako zaleengana iristeko asmoz, halako lankidetza hitzarmenak eginen dira Nafarroako klub garrantzitsuetako kirol entitateekin.
